L'uniun samaritana per nossa val

 

L'Uniun samaritana Lumnezia ei commembra dall'Uniun cantunala grischuna e cheutras commembra dalla federaziun svizra da samaritans (SSB). L'uniun applichescha las activitads ch'il concept directiv dalla fundaziun svizra da samaritans attribuescha allas uniuns samaritanas. L'uniun ha igl intent da promover ils fatgs samaritans e d'ademplir las incumbensas humanitaras el senn dil patratg dalla crusch cotschna Svizra.

​

Nus purschein interessants exercezis e referats sur da differents témas. Tier engaschis sil post samaritan havein nus caschun d'applicar quei che nus havein empriu. Per glieud giuvna ch'elegia ina professiun el sectur social ni da tgira ei igl engaschi en in'uniun samaritana d'avantatg.