La historia da noss'uniun

Igl onn  2012 ein las duas uniuns samaritanas da Lumbrein e Vella seunidas. Dapi lu senumna l’uniun:  „Uniun samaritana Lumnezia“. Entras la fusiun eisi stau pusseivel da nezegiar las sinergias existentas e collavurar pli stretg cun la populaziun dalla Lumnezia. Aschia ha l’uniun samaritana aunc ozildi in’impurtonta funcziun en nossa val e porscha ina contribuziun al beinstar public.

Nus essan dil meini che l’uniun ei pli che mai dumandada, cunzun tier occurrenzas da sport e leu nua ch’ei serimna in smugl glieud. Quels survetschs savein nus denton surprender mo sche nus havein avunda commembras e commembers motivai che sustegnan l’uniun.

Purschidas samaritanas

Nus purschein interessants exercezis e referats sur da differents témas. Tier engaschis sil post samaritan havein nus caschun d’applicar quei che nus havein empriu.

​

Nus prestein suandonts survetschs:

• instrucziuns da differents cuors samaritans

• survetsch da sanitad tier occurenzas

• collaboraziun cul Survetsch da salvament Surselva

• collaboraziun culla Vischnaunca Lumnezia

• metter a disposiziun material da sanitad